Þessi réttur er mjög einfaldur og góður, það fyrsta sem ég gerði var að skera niður sætar kartöflur og steikja uppúr olíu, salti og pipar.
Svo setti ég kartöflurnar í eldfast mót og inní ofn.
Næst setti ég kjúklingabringur á pönnuna og kryddaði með papriku og chili kryddi, ég notaði líka smá bezt á flest krydd sem fæst í Hagkaup.
Þegar bringurnar voru orðnar gyltar á öllum hliðum tók ég þær af og setti í eldfast mót, svo notaði ég sömu pönnu til að gera sósuna, á pönnunni var krydd af kjúklingnum sem að blandaðist við matargerðarrjóma, mexikóost, 4-5 dropa af tabasco sósu og hálfum tening af kjúklingakrafti.
Sósunni helti ég svo yfir bringurnar.
Í lokin steikti ég svo gular baunir uppúr smjöri og salti og helti því einnig yfir bringurnar og setti svo inní ofn, þar fengu bringurnar að malla þangað til þær urðu full eldaðar 
Með þessu bar ég fram hvítlauksbrauð en það er líka mjög gott að hafa ferskt salat.
Einfalt, fljótlegt og gott 
